Metro Broadcast 新城廣播有限公司
非常精彩嘅開心大派對《香港•家燕•星光盛宴》
香港經典品牌多如繁星，無論係企業定係個人，只要努力經營就可創出一片天，人人都識嘅「薛家燕」就係最佳例子。家燕姐以堅毅不屈嘅精神，走過人生高山低谷，最終成為深入民心嘅「品牌」。
《香港•家燕•星光盛宴》當晚請嚟多位知名藝人同歌手，現場亦有多個品牌禮物送畀入場觀眾，令當晚點止係一場表演晚宴，簡直係一個香港品牌嘉年華，大家除咗享用精緻晚餐，欣賞精彩表演，仲可以將呢份香港情帶返屋企。
表演嘉賓：吳若希、周吉佩、莊錠欣、張馳豪、鍾柔美、林智樂、羅啟豪、何榛綦、家燕媽媽藝術中心學生
https://www.facebook.com/share/1CEMKU3fST/
TVB 娛樂新聞台 TVB Entertainment News
薛家燕舉行漢服派對 二公主沈芝華驚喜現身
薛家燕、范振鋒及思敏主持嘅電台節目，日前喺尖沙咀舉行「開心大派對《香港家燕·星光盛宴》」，派對以漢服為主題，多位不同界別嘅嘉賓應邀出席，包括高永文醫生 GBS BBS JP、新城廣播有限公司董事總經理宋文禧、黃夏蕙、吳若希、周吉佩、張馳豪、林智樂及羅啟豪等，而曾為家燕媽媽學生嘅鍾柔美、莊錠欣及何榛綦更為派對擔任表演嘉賓；但最令大家驚喜嘅，就係已經移居美國嘅「七公主」中嘅二家姐沈芝華，亦專程嚟出席，五家姐薛家燕見到對方時，即開心上前擁抱，同二家姐開心聚舊。
家燕姐率領家燕媽媽藝術中心嘅學生獻唱經典歌《皆大歡喜》，為派對揭開序幕，隨後眾歌手輪流上台演唱，周吉佩更落台與觀眾拉近距離，令氣氛推向高峰。
派對中嘅catwalk環節成全場焦點，27位參賽者爭妍鬥豔，眾重量級評審團：薛家燕、陳雲美、宋文禧、高永文醫生及Louisa Cheung 嚴謹選出 1 位全場大獎「最佳服裝獎」及兩位優異獎，而夏蕙更擔任星級示範嘉賓，令現場氣氛沸騰。
